Skuadra e Llapit e ka zyrtarizuar edhe një transferim gjatë afatit kalimtar të janari.
Ata e kanë sjellë në skuadër mbrojtësin e krahut të majtë Arbër Bytyqi nga kampioni aktual i Shqipërisë, Tirana.
Futbollisti nga Prizreni fillimisht si 16 vjeçar iu bashkua skuadrës së Laçit ku u paraqit 22 herë dhe më pas iu bashkua Tiranës ku luajti një sezon.
Pas mbylljes së marrëveshjes me Tiranën, drejtuesit e Llapit e bindën Bytyqin që të nënshkruaj kontratë tri vjeçare dhe i njëjti është bashkuar me ekipin në përgatitje.
Bytyqi po ashtu ka qenë edhe pjesë e kombëtares së Shqipërisë për grupmoshat U-19 dhe ka zhvilluar 10 ndeshje me fanellën kuqezi, teksa më parë ka luajtur edhe për Shqipërinë U-17 dhe U-16.
