Ambasadori i Kosovës në Kroaci, Martin Berishaj, ka reaguar pas pretendimeve se Gjykata e Lubjanës e ka hedh poshtë padinë e tij kundër gazetarit slloven, shkruan Kosovatimes.
Ambasadori reagimin e bëri në rrjetin social Facebook, duke iu kundërpërgjigjur kështu mediave që po e akuzojnë në Kosovë.
Ai tha se Gjykata e Qarkut në Lubjanë ende nuk e ka pranuar padinë për shqyrtim.
“Shpifja nuk kalon!
Për çështjen penale në fjalë është ngritur padia ime private kundër gazetarit slloven i cili me dt 21.04.2022 shpifi kundër meje, por Gjykata e Qarkut në Lubjanë ende nuk e ka pranuar padinë për shqyrtim për shkak se procedura e ankimimit ende nuk ka përfunduar”, ka shkruar ai. /Kosovatimes/
