Deputeti i PDK-së, Bekim Haxhiu, ka reaguar për personin që ka vdekur sot në QKUK, pasi ka rënë nga Klinika Torakale.
Ai, me anë të një postimi në rrjetin social Facebook, ka deklaruar se prokuroria duhet të hetojë shkaqet e vdekjes së këtij qytetari.
“Shkaqet ende mbeten pa u sqaruar. Keqmenaxhimi dhe degradimi i shëndetësisë, po ashtu humbja e jetës së njerëzve në qendrat tona spitalore është shqetësuese. Për këto raste deri tani nuk ka llogaridhënie”.
“Për rastin e sotëm, prokuroria duhet të hetojë shkaqet e vdekjes së pacientit. Askush nuk e ka besuar këtë degradim deri në këtë masë. Para pak vitesh, Klinka Torakale ishte shembull i profesionalizimit dhe mirëmenaxhimit, ndërsa sot është në rubrikën e lajmeve të zeza”, ka shkruar Haxhiu. /Kosovatimes/
