Katër persona u arrestuan nga policia në Moskë gjatë një përkujtimi spontan për viktimat e një sulmi raketor të 14 janarit në qytetin ukrainas të Dnipros.
Sipas OVD-Info, një grup që monitoron përndjekjen e gazetarëve dhe aktivistëve në Rusi, këta persona u ndaluan teksa po vendosnin lule.
Në vendin përkujtimor, i cili nuk ishte i autorizuar, ishin vendosur lule dhe lodra, si dhe një fotografi e kompleksit të apartamenteve të shkatërruara, ku humbën jetën të paktën 45 persona.
Në mesin e të vdekurve janë gjashtë fëmijë dhe rreth 20 persona janë ende të zhdukur.
Lufta e ashpër në lindje, ShBA-ja fillon trajnimin e trupave ukrainase
Sipas Forcave Ajrore të Ukrainës, një raketë e tipit Kh-22 nga një bombardues me rreze të gjatë, goditi kompleksin e apartamenteve në Dnipro, duke shkatërruar plotësisht më shumë se 200 vendbanime.
Sulmi në Dnipro ishte pjesë e një vale të përhapur të sulmeve ruse me raketa që përfshinte qytetet më të mëdha të Ukrainës, Kievin dhe Harkivin.
Kremlini më 16 janar mohoi se forcat ruse kishin goditur kompleksin e apartamenteve në Dnipro.
