I dërguari i Posaçëm i Bashkimit Evropian për dialogun Kosovë – Serbi, Miroslav Lajçak në kuadër të Forumit Botëror të Ekonomisë (WEF), i cili po mbahet në Davos të Zvicrës, është takuar me ministrin e Jashtëm finlandez, Pekka Haavisto.
“Finlanda ka histori në normalizimin e marrëdhënieve ndërmjet Kosovës dhe Serbisë dhe ka një interes të madh për të avancuar përpjekjet tona të Bashkimit Evropian. Si i tillë kam gjithmonë kënaqësi të diskutoj rolin e shtetit me Haavisto. Unë llogaris në iniciativat e vazhdueshme të Finlandës në mbështetje të Dialogut”, ka shkruar Lajçak në Twitter.
