Sociologu Fadil Maloku duke marre si referencë debatin një kuvend rreth trustit pensional ka kritikuar vetë qasjen e këtij debati duke krijuar inate midis rivalëve politik e ideologjik e cila përfundoi me mos miratim. Këtë reagim e bëri në profilin e tij në facebook.
“ Në kulturën dhe mentalitetin tonë, ende edhe si fah po edhe si mënyrë e sjelljes personale, fyerja, po edhe denigrimi publik i kundërshtarit (në kohën, kur ti ke një interes vital për verën dhe komunitetin përfaqësues) bëhen kontraproduktive!
Qasje, kjo që u pa haptas edhe në debatet publike, midis deputetëve qeveritar dhe atyre opozitar që u zhvillua sot në aulën e Parlamentit të Kosovës! Në vendet demokratike, qasja e tillë nuk krijon as inate, as anonimizitete, e as stereotipizime ndaj kundërshtarit ideologjik, po as ndaj atyre klanor. Kjo ndodh vetëm në Parlamentet e tranzicionit…
Me mos votim të parave të trustit, nuk e fitoj “betejën” Vetëvendosja, por, opozita e humbi rastin për ta rritur përkrahjen e publikut, ende të pa emancipuar sa duhet për t’i kuptuar trillet e politikës post moderne. Kjo situatë e “turmës” “inerte” dhe deputetëve (që e preferojnë shumë më shumë mendimin uniformues, se sa atë të lirë) injorant, do vazhdoj edhe për një kohë. Kam përshtypje, që përmbyllja me një Marrëveshje historike me Serbinë do e ndihmoj “shkurorëzimin” tonë nga qasja e tillë ndaj rivalëve politike, po edhe ndaj kundërshtarëve ideologjik…”, shkruan Maloku.
