Anëtarja e PDK, Vlora Çitaku, në një postim në profilin e saj në facebook i ka bërë thirrje presidentes të shprehë ndonjë fjalë për qytetarët e zonave të prekura nga vërshimet, me shpresën se institucionet do të mobilozhen dhe të ndihmohen financiarisht.
“Në një gjendje edhe ashtu të rënduar ekonomike për të gjithë qytetarët e Kosovës, banorët e Skenderajt, Mitrovicës, Klinës dhe Istogut u goditën edhe nga vërshimet. Dëmet për familjet e zonave të prekura duken të jenë shumë të mëdha. Fole ndonjë fjalë Presidente. Qytetarë të Republikës sonë janë edhe ata. Shpresoj që institucionet të mobilizohen dhe banorët e zonave të prekura nga vërshimet të ndihmohen financiarisht”, shkruan ajo. /Kosovatimes/
