Sfidën e fundit në Grupin B të kualifikimeve evropiane për grupmoshën U17, Kosova e zhvilloi përballë Moldavisë.
Vashat tona i dhanë leksion moldaveve, nga seti i dytë e tutje, duke dominuar takimin në secilin aspekt.
Deri te fitorja e parë në këto kualifikime, Kosova arriti falë një performance jashtëzakonisht të mirë dhe rritjes hap pas hapi në secilën ndeshje.
Pas dy humbjeve radhazi nga Rumania e Bullgaria, Kosova e demoloi Moldavinë 3:2.
Setin e parë Kombëtarja jonë e humbi në saje shumë të gabimeve.
Vetëbesimi i tepruar dhe nënvlerësimi i kundërshtarit, i kushtuan Kosovës me humbjen e setit të parë 25:22.
Kriza në rezultat u bart edhe në hapje të setit të dytë, kur Kosova e fillon me seri negative 3:0 e pastaj edhe 7:1.
“Dardanet” detyrohen ta ndjekin rezultatin duke e afruar disavantazhin në dy pikë, te rezultati 9:7.
Barazimin e parë në këtë set Kosova e prek te shifrat 13:13.
Rezultati mbeti i ngushtë deri në fund të setit të dytë, të cilin në fund e fiton Kosova 25 me 23.
Seti i tretë prapë fillon keq për Kosovën. Vajzat tona ngecin 6:1 ne hapje te ketij seti.
Një seri e mirë e mundëson barazimin në 10:10. Kosova ngec ne rezultat madje deri në 6 pikë të rezultati 23:17.
Por një seri e mirë e volejbollisteve tona rikthen shpresën pas barazimit 23:23.
Moldavet tregohen më të vullnetshme për të arritur deri te fitorja dhe kësaj ia arrijnë, me shifrat 25:23, në setin e tretë.
“Dardanet” e nisin setin e katërt në mënyrë fantastike duke udhëhequr 8:0, e pastaj edhe 13:2.
Madje pas epërsisë 22:5, Kosova tregoi lojën të cilën është dashur ta shfaqte nga fillimi, për ta mbyllur këte set 25:6 dhe duke e dërguar ndeshjen në “tie-break”.
Periudhën e fundit Kosova e nis më mirë, duke avancuar fillimisht 5:2 e pastaj edhe 10:3.
As “time-out” nuk i ndihmoi moldaveve ta merrnin veten, sidomos nga trauma e setit të katërt.
Në fund Kosova e fiton setin e pestë 15:5 për të triumfuar 3:2. /Kosovatimes/
