Autoritetet belge kanë arrestuar një burrë që sulmoi një të ri me një thikë kasapi në stacionin e trenit ne jug te Brukselit në fillim të kësaj jave dhe e akuzuan atë për sulm të paramenduar.
Gjegjësisht, mëngjesin e së martës, një burrë ka sulmuar me thikë një djalë 17-vjeçar, dhe një video tronditëse nga një kamera vëzhguese e publikuar në rrjetet sociale tregon se si sulmuesi e ka prerë brutalisht dhe e ka goditur disa herë me thikë.
Adoleshenti ka mbetur i plagosur, por lëndimet janë jashtë rrezikut për jetën.
Menjëherë pas ngjarjes, sulmuesi 18-vjeçar u arrestua dhe u dërgua në paraburgim dhe prokurorët thanë se sulmi ishte rezultat i një konflikti të mëparshëm mes dy të rinjve.
Mirëpo, në përshkrimin e videos thuhet se sulmuesi është një emigrant i cili bërtiste “Allahu Akbar”, dhe se 17-vjeçari nuk ishte i vetmi që sulmoi.
Martin Francois nga zyra e prokurorit publik në Bruksel tha se sulmuesi dyshohet për sulm me paramendim dhe rrahje të një të mituri, si dhe për armëmbajtje të ndaluar.
https://twitter.com/MeghUpdates/status/1615796947289538560?ref_src=twsrc%5Etfw%7Ctwcamp%5Etweetembed%7Ctwterm%5E1615796947289538560%7Ctwgr%5E991aa951632278d7eb80d0c94c061ac72470cd7d%7Ctwcon%5Es1_&ref_url=https%3A%2F%2Fwww.slobodna-bosna.ba%2Fvijest%2F285340%2Fsve_su_snimile_nadzorne_kamere_pomahnitali_mladic_izvukao_mesarski_noz_pa_pocheo_ubadati_ljude_na_zeljeznichkom_kolodvoru_vikao_je_allahu_akbar.html
