FR i LDK ka filluar në Gjilan ciklin e debateve që do të zhvillohen në mbarë vendin me anëtarët e rinj të saj. Në ciklin e parë të zhvilluar prezent ishte edhe kryetari i degës së LDK-së në Gjilan, Lutfi Haziri, i cili në pozicione të ndryshme ka qenë gjithmonë i gatshëm për t’i mbështetur të rinjtë.
“Interesimi i të rinjve për LDK-në, dhe debati përmbajtësor e bën akoma më madhështore aktivitetin e parë të këtij cikli. Vizioni e qëllimi jonë i përbashkët për një Kosovë të zhvilluar e prosperuar në këtë rrugëtim mishërohen me LDK-në dhe bëhen një; ndërsa ne do të vazhdojmë bashkërisht të krijojmë politika të qëndrueshme për rininë për një jetë më të mirë”, theksoi FR i LDK.
Ata theksojnë se jo rastësisht këtë cikël e filluan sot, pikërisht në ditën e përvjetorit të vdekjes së Presidentit Historik, Dr. Ibrahim Rugova.
“Ne do ta ngrisim zërin e të luftojmë për fuqizim e zhvillim e rinisë e të vendit. Ndërsa për LDK-në përfshirja e të rinjve e të rejave dhe hapësira në vendimmarrje është prioritet mbi prioritete”. /Kosovatimes/
