Kryetari AAK-së, Ramush Haradinaj, ka kujtuar 22 janarin e vitit 1998, datë kjo që shënon sulmin e dytë të forcave serbe ndaj familjes Jashari në Prekaz.
“22 janari 1998, për familjen Jashari të Prekazit nuk ishte ditë e zakonshme. Atë ditë, baci Shaban me tërë familjen i rezistuan sulmeve të armikut, në sulmin e dytë që iu bë kësaj familjeje emblematike të kombit tone”, ka shkruar Haradinaj në Facebook.
Ai përmes një shënimi në Facebook thotë se rezistenca e Familjes Jashari frymëzoi edhe më shumë shqiptarët për luftë deri në çlirim.
“Rezistenca dhe trimëria e tyre, frymëzoi edhe më shumë shqiptarët për luftë deri në çlirim”.
I pari i AAK-së thotë se armiku gjithherë u kthye me turp nga Prekazi.
“Jasharajt i dhanë emër sakrificës për liri. Kjo familje gjithmonë u nda me lavdi, e armiku gjithëherë u kthye me turp nga Prekazi”.
“Lavdi të rënëve për liri”, ka shkruar tutje Haradinaj. /Kosovatimes/
