Presidentja e vendit, Vjosa Osmani, ka udhëtuar zyrtarisht në Itali, ku mes tjerash ajo do të qëndrojë edhe në Vatikan në një audiencë ku do të pritet nga Papa Françesku.
Në këtë vizitë ku shoqërohet nga Zotëria i parë Prindon Sadriu dhe zëvendëskryeministrja Donika Gërvalla, Presidentja do të ketë takim edhe me sekretarin e Shtetit të Vatikanit, kardinalin Pietro Parolin si dhe do të realizohen edhe një sërë takimesh e aktivitete të tjera.
“Gjatë qëndrimit në Romë, Presidentja Osmani do të pritet edhe nga presidenti i Republikës së Italisë, Sergio Mattarella”, shkruan në njoftimin e zyrës së presidentes Osmani.
“Me kreun e shtetit italian, ajo pritet të diskutojnë për avancimin e bashkëpunimit bilateral si dhe rritjen e koordinimit për tejkalimin e sfidave aktuale të sigurisë në rajon dhe përtej”.
Vizita e presidentes Osmani është e para që realizohet në Vatikan, na kapaciteten si e para e shtetit.
Vatikani ende nuk e njeh pavarësinë e Kosovës, por megjithatë, ka lidhje të ngushta me Prishtinën zyrtare. Të gjithë paraardhësit e Papa Françeskut, i kanë pritur presidentët e Kosovës në takime.
