Dy persona u vranë dhe disa u plagosën në një sulm me thikë ndaj pasagjerëve në trenin rajonal Kiel-Hamburg në Gjermani. Sulmuesi është arrestuar nga policia.
Kështu bëjnë të ditur mediat gjermane .
Sulmuesi 33-vjeçar u arrestua, sipas Departamentit të Policisë Itzego të mërkurën në mbrëmje. Ministrja e Brendshme e Schleswig-Holstein, Sabina Sütterlin-Wack tha se sulmuesi i mundshëm është një palestinez pa shtetësi.
“Motivet e sulmit janë ende të paqarta, ” u tha gazetarëve një zëdhënëse e policisë.
Policia tha se sulmuesi sulmoi njerëzit në një tren në lëvizje. Sipas zëdhënësit të policisë, ka mbetur i plagosur edhe autori.
Ende nuk dihet numri i saktë i viktimave. Sipas burimeve të ndryshme, pesë deri në shtatë persona janë plagosur.
Vihet re se pasagjerët e trenit kanë denoncuar sulmin në polici. Sipas policisë, dëshmitarët e mbajtën të dyshuarin në stacion në platformë deri në mbërritjen e shpëtimtarëve të parë dhe oficerëve të rendit.
Mësohet se një burrë me lëndime të shkallës së mesme është dërguar në spital. Ka të dhëna se ai mund të ketë një çrregullim mendor. Sipas të dhënave paraprake, sulmuesi i mundshëm nuk shihej më parë si një ekstremist./kosovatimes/
