Sipas N1, deputetët e BE-së u kanë thënë kolegëve të tyre në Parlamentin serb se çfarë mund të ndodhë nëse Serbia nuk është konstruktive në arritjen e një marrëveshjeje përfundimtare gjithëpërfshirëse me Prishtinën.
“Nëse marrëveshja nuk pranohet, Serbia nuk do të jetë ishull, por Irani në Evropë”, raporton bashkëbiseduesi i N1 fjalët e një deputeti të Parlamentit Evropian .
Ai shton se eurodeputetët thonë se presidentit të Serbisë në takimin me pesëshen ndërkombëtare më 20 janar i është thënë se hyrja e Serbisë në BE mund të arrihet në vitin 2030 dhe se kjo paketë duhet të zbatohet për të gjitha vendet e Ballkanit Perëndimor.
Kujtojmë se delegacioni i Parlamentit Evropian për dialog ndërpartiak, i udhëhequr nga Vladimir Bilčik dhe Matjaž Nemec, po qëndron për vizitë në Serbi. Gjatë paradites kanë biseduar me deputetë në Kuvendin e Serbisë.
Kryetari i Komisionit për Mbrojtjen e Mjedisit Aleksandar Jovanoviq Ćuta, nënkryetari i Partisë Popullore Miroslav Aleksiç, nënkryetari i Partisë Liri dhe Drejtësi Marinika Tepiq dhe kryetari i Partisë Demokratike Zoran Lutovac biseduan me përfaqësuesit e BE-së. /Kosovatimes/
