Mbreti i ka kërkuar Kryepeshkopit të Canterbury-t të ndërmjetësojë një marrëveshje për të lejuar Harry -n të marrë pjesë në kurorëzimin e tij – por ka hasur në rezistencë nga William , thekson The Mail. Charles dëshiron që Justin Welby të arrijë një marrëveshje me djemtë e tij ndërluftues që do të lejonte Harry-n dhe gruan e tij Meghan të merrnin pjesë në ceremoninë e kurorezimit në maj, thonë burime të larta pranë Pallatit Lambeth.
Spekulimet kanë qenë të përhapura nëse Sussex-ët do të merrnin pjesë në ngjarjen e profilit të lartë që kur u larguan nga detyrat mbretërore – dhe veçanërisht që nga publikimi i kujtimeve të Harry-t, në fillim të këtij muaji, që përmbante një varg sulmesh ndaj anëtarëve te familjes mbreterore.
Mbreti thuhet se beson se mungesa e Harry-t dhe Meghan-it në kurorëzimin do të ishte një shpërqendrim më i madh se prania e tyre, kështu që është i përgatitur të bëjë lëshime për t’i bindur ata të marrin pjesë.
Por William mendohet të jetë i shqetësuar se vëllai i tij do të përdorë ngjarjen për të organizuar një “marifet” që do të errësonte ngjarjen.
Burimet thonë se Harrit mund t’i garantohet një pozicion i profilit të lartë në Abbey ose një siguri jozyrtare se ai do të jetë në gjendje të mbajë titujt e tij si një nxitje për të marrë pjesë.
Megjithatë, Princi William reagoi ashpër ndaj një propozimi të tillë. Ai beson se Princi Harry mund ta përdorë këtë ofertë për qëllimet e tij dhe të organizojë një mashtrim tjetër që do të prishë kurorëzimin, për shembull, duke shkuar në një shëtitje në një lagje të privuar të Londrës me Meghan.
