Policia që po hetonte bosin e mafias Cosa Nostra gjeti postera të Al Pacino-s nga The Godfather dhe Joaquin Phoenix nga The Joker, si dhe një armë të mbushur dhe plumba, në muret e banesës ku jetonte bosi i Cosa Nostra-s para arrestimit të tij.
Bosi i Costa Nostra, Matteo Messina Denaro, 60 vjeç, dikur njeriu më i kërkuar i Italisë, u arrestua më 16 janar në kryeqytetin sicilian Palermo pas 30 vitesh në arrati, ndërsa ishte në një spital privat për trajtimin e kancerit.
Policia italiane njoftoi se në banesë zbuloi një revole speciale të kalibrit 38 Smith & Wesson të mbushur dhe një pako me 20 fishekë të tjerë të të njëjtëve plumba.
Italian military police have released footage of one of the alleged hideouts of convicted Mafia boss Matteo Messina Denaro. Posters from films The Godfather and Joker can be seen on the walls.
Read more: https://t.co/Av2TSbztra pic.twitter.com/vSnWdnDpfl
— Sky News (@SkyNews) January 27, 2023
Portreti i Joker me ngjyra të ndezura tregon personazhin, të luajtur nga Joaquin Phoenix në filmin e vitit 2019, duke pirë një cigare. Phoenix fitoi çmimin Oscar për aktorin më të mirë për rolin e tij. Imazhi nga filmi The Godfather është më i vogël dhe tregon karakterin e Michael Corleone të thellë në mendime.
Pamjet e policisë treguan gjithashtu një fotografi të një luani në murin e dhomës së ndenjes së Denarit, ndërsa një kalendar i një gruaje të veshur paksa u gjet i varur në një dhomë të vogël që ai përdorte si palestër personale.
Një kopje e një pikture të Van Gogh dhe një pllakë qeramike që përshkruan dy njerëz në një përqafim epshor ishin midis sendeve të tjera të gjetura.
Denaro bënte një jetë normale në apartament, madje shkonte vetë në supermarket.
Denaro u dënua në mungesë me burgim të përjetshëm në vitin 2020 për rolin e tij në vrasjet e 1992 të prokurorëve antimafia Paolo Borcellino dhe Giovanni Falcone.
