Një grua në Mitrovicë ka raportuar në Polici se ishte dhunuar më 30 janar. Policia e Kosovës ka bërë të ditur se viktima ka pranuar tretman mjekësor, ndërsa i dyshuari është dërguar në mbajtje.
“Viktima femër kosovare ka njoftuar se ishte dhunuar nga i dyshuari mashkull kosovar. Viktima ka pranuar tretman mjekësor ndërsa i dyshuari është arrestuar dhe pas intervistimit me vendim të prokurorit dërgohet në mbajtje”, thuhet në njoftim.
Sipas Policisë, gjatë 24 orëve të fundit në Kosovë është raportuar edhe për një sulm seksual në Gjakovë dhe një ngacmim në Prizren.
Të martën në Gjakovë është arrestuar një i mitur pasi që dyshohet se ka ngacmuar seksualisht një grua.
Me vendim të prokurorit i dyshuari po mbahet në ndalim policorë.
Ndërsa në Prizren një grua ka njoftuar se derisa ka qenë në rrugë është përcjellë nga një person i dyshuar.
Edhe për këtë rast është njoftuar prokurori kujdestar, teksa janë duke u ndërmarr veprime hetimore.
