Lajme toksike vazhdojnë te shërbejnë mediat e afërta te kabinetit presidencial ne Serbi kur është fjala për Kosovë. Debati i nxehtë në parlamentin e Serbisë që mund të ketë qenë edhe i improvizuar nga këndi i mënyrës së kalimit të pragut zgjedhor të partive të ekstremit të djathtë në Serbi, tregon gjuha narcisoide në mediat serbe që përdoret ndaj shqiptarëve. Mjafton ti hedhim një vështrim të përditshmes Informer, ku në ballinën e saj dy tituj tregojnë më së miri konstatimin e lartcekur. Në numrin e sotëm sjellët një publikim me titullin:
SHIPTARI: Vuçiq është Putini ballkanik! Kurtistët janë të zemëruar me Vuçiqin sepse ai kritikoi Koshtunicën dhe Dosovcët për lirimin e “terroristëve” nga burgjet serbe
Ky publikim merret me paragjykime dhe interpretim të lirë duke iu referuar një reagimi të Mimoza Kusari e cila i ka dërguar një letër përfaqësuesve të lartë të BE lidhur me qëndrimin që ka Vucic ndaj Kurtit. Pa kurrfarë baze kjo e përditshme konstaton se “Kurtistët janë zemëruar për shkak të deklaratës së Vuciq dhe për arsye që presidenti i Serbisë qartë ka treguar që terroristët që kanë vrarë serbët i ka mbajtur në burgje, për dallim nga pushteti pas 5 tetorit, dhe nuk e shohin të arsyeshëm ti japin titullin e Putinit Ballkanik.
Një të njëjtin numër të gazetës një publikim e quan skandal në Qipro kundërshtimin e karateistëve nga kampionati evropian për shkak të mos lejimit të flamurit të Kosovës në garë!
Madje për këtë gazetë duket normale që nuk është lejuar flamuri meqë Qiproja është një nga vendet që nuk e ka njohur Kosovën ndaj i vendosin kushte të caktuara konkurrencës së këtij shteti!./Kosovatimes/
