Përfaqësuesit e ish-yllit të Arsenalit dhe Real Madridit, Mesut Ozil, kanë mohuar se lojtari do të pensionohet nga futbolli, pas raportimeve për një gjë të tillë.
Ata thanë se “asgjë nuk është e vërtetë”, kur bëhet fjalë për një pension të menjëhershëm.
“Mesut Ozil patjetër do ta përfundojë sezonin në Bashekshir”, thanë ata.
Ish-reprezentuesi gjerman fitues i Kupës së Botës, i cili aktualisht është pjesë e Bashekshirit, thuhet se po mendon për opsionet e tij në moshën 34-vjeçare. Raportet në Turqi kanë sugjeruar se Ozil është gati të varë këpucët e tij, shkruan Goal.
Ozil ka bërë vetëm tetë paraqitje këtë sezon, gjithsej 187 minuta, dhe ka startuar vetëm në dy ndeshje. Ai u zëvendësua në të dyja këto raste.
