Një person u vra dhe një tjetër u plagos kur një helikopter i misionit MONUSCO të OKB-së u qëllua në DR Kongo. Një anëtar i misionit të OKB-së nga Afrika e Jugut u vra nga të shtënat , ndërsa një tjetër u plagos rëndë. Të shtënat ndodhën në lindje të vendit, njoftoi misioni i OKB-së.Helikopteri ishte në një fluturim për në Goma, kryeqyteti i provincës Kivu Veriore, ku arriti të ulej. Për momentin nuk dihet se kush ka qëlluar në helikopter dhe as vendndodhja e saktë nga është kryer.
Kujtojmë se vitin e kaluar një pjesëtar i ushtrisë serbe , nënkoloneli Dejan Stanojeviq , u vra në një incident të ngjashëm në DR Kongo ./Kosovatimes/
