Një tërmet me magnitudë 7.8 goditi Turqinë jugore herët në mëngjes dhe u ndje në pjesën më të madhe të vendit, si dhe në disa vende të rajonit, duke përfshirë Sirinë fqinje.
Disa orë më vonë, rreth orës 13:30 me orën lokale, vendi u godit nga një tërmet i ri me magnitudë 7.5 ballë të shkallës Rihter.Numri zyrtar i të vdekurve, sipas informacioneve të fundit, në të gjithë Turqinë dhe Sirinë tani është më shumë se 1500, me mijëra të plagosur.
Një operacion i madh shpëtimi është duke u zhvilluar.
Dyshohet se numri i viktimave mund të jetë shumë më i lartë sepse tërmeti ka zënë shumicën e njerëzve në gjumë.
