Kreu i PDK, Memli Krasniqi, ka kritikuar kreun e Qeverisë së Kosovës, Albin Kurti, i cili nuk ka dhënë asnjë shpjegim para qytetarëve rreth përmbajtjes së propozimit Franko-Gjerman.
Sipas Krasniqit, kryeministri i Kosovës i dha drejtim një marrëveshjeje në fshehtësi, pa asnjë transparencë, duke lënë shumë pyetje pa përgjigje të cilat i brengosin qytetarët tanë.
“Ku mbetën kushtet e tij? Cilat prej tyre u plotësuan e cilat jo? A janë përfshirë në këtë plan edhe kushtet e Serbisë? A është në përputhje me Kushtetutën e Republikës së Kosovës dhe a është pjesë e saj edhe themelimi i Asociacionit? Mbi të gjitha, a e përfshinë kjo marrëveshje njohjen e ndërsjellë?”, pyet Krasniqi.
PDK i ka bërë të qarta kohë më parë pesë shtyllat që i presim nga marrëveshja potenciale me Serbinë.
Gjithçka më pak është humbje e madhe për Kosovën, për të cilën, përgjegjës i vetëm do të jetë Albin Kurti, thekson Krasniqi. /Kosovatimes/
