Ministri i Tregtisë së Brendshme dhe të Jashtme, Tomislav Momiroviq tha sot se ministrat e Partisë Progresive Serbe (SNS) sot në ora 12:15 kanë një takim me presidentin e Serbisë dhe SNS-në, Aleksandar Vuçiq.
“Dje kemi pasur një takim me kryeministren Ana Brnabiq, kemi reaguar shumë negativisht për ngjarjet e caktuara në Kuvendin e Serbisë (gjatë seancës për Kosovën dhe Metohinë), tha Momiroviq për Radio Televizionin e Serbisë.
Ai ka theksuar se Vuçiq ka luftuar për popullin e Kosovës dhe ka shtuar se në periudhën e ardhshme do të diskutohet nëse ajo politikë ka pasur mbështetjen adekuate.
Siç raportuan mediat dje, duke iu referuar informacioneve jozyrtare, Vuçiq në takimin e SNS-së ka thënë se partia është e vetme në mbrojtjen e interesave shtetërore në seancën e Kuvendit të Serbisë.
“Jam shumë i zhgënjyer me sjelljen e socialistëve, të cilët ishin diku në mes, duke dashur t’i kënaqnin të gjithë”, tha gjithashtu Vuçiq.
