Partia Socialiste e Serbisë, gjegjësisht lideri i saj Ivica Daçiq, është shantazhuar nga Rusia dhe nuk duhet të qëndrojë prapa propozimit franko-gjerman për zgjidhjen e çështjes së Kosovës. Ky është i vetmi “shkasë” tensionesh mes presidentit të Serbisë dhe SNS-së, Aleksandar Vuçiq dhe kreut të socialistëve.
Kështu e interpretojnë bashkëbiseduesit e Danas nga burime diplomatike ndarjen aktuale mes partnerëve në koalicionin qeverisës SNS dhe SPS.
– Sherri i ri mes SNS-së dhe SPS-së ndoshta është shkaktuar nga kushti i Rusisë ndaj Partisë Socialiste të Serbisë që të vazhdojnë të mbajnë distancë nga propozimi evropian për Kosovën. Nuk duket se gjithçka do të zgjidhet shpejt, duke marrë parasysh se deri ku ka shkuar e gjithë “marrëveshja” – janë të mendimit.
Mirëpo, bashkëbiseduesit tanë besojnë se Ivica Daçiq, megjithatë, më mirë do të dorëzohet nën presionin e Aleksandër Vuçiqit, sepse, siç thonë ata, “nuk ka zgjidhje”.
Lideri i SPS treg i forte
Në pyetjen se pse Ivica Daçiq po i ekspozohet këtij konflikti me Aleksandar Vuçiqin nëse është e qartë se në fund do të dorëzohet, bashkëbiseduesit e Danas interpretojnë se lideri socialist “eshte treg i forte”.
Më tej ata shpjegojnë se ashtu siç Vuçiq e mban Daçiqin në grusht, po ashtu edhe Rusia.
Rusët me siguri kanë dosje komprometuese për Daçiqin
– Rusët sigurisht kanë dosje komprometuese për Daçiqin, dhe është pothuajse e sigurt se bëhet fjalë për para – besojnë bashkëbiseduesit e Danas, të cilët nuk kanë dashur të flasin publikisht për këto supozime, me kundërshtime për natyrën e punës që bëjnë.
Partia Socialiste e Serbisë sigurisht që merr para nga Federata Ruse, përveç faktit të qartë se partia financohet përmes marrëveshjeve të naftës në Serbi.
– Daçiq tani duhet të thotë se burimi kryesor i financimit të tyre do të ndërpritet – përfundojnë bashkëbiseduesit tanë.
Kujtojmë se duke folur për problemet që ka me Partinë Socialiste të Serbisë, presidenti i Serbisë e krahasoi atë parti me pjesën e djathtë dhe nacionaliste të opozitës, të cilët janë rreptësisht kundër zgjidhjes evropiane për Kosovën.
