Në afërsi të kufirit serbo-hungarez, sërish ka ndodhur një konflikt i armatosur mes emigrantëve, ku disa kanë mbetur të plagosur, mëson korrespondenti i RTS nga Subotica. Sipas të dhënave të deritanishme, përleshja e armatosur mes emigrantëve ka ndodhur në afërsi të pyllit të Tresetishtës dhe në të kanë marrë pjesë disa persona.
Ministria e Punëve të Brendshme të Serbisë ka konfirmuar për RTS se dy emigrantë janë gjetur me plagë nga armë zjarri në këmbë në vijën kufitare me Hungarinë.
Kreu i qarkut të Baçkës së Veriut, Bojan Šoralov , shkroi në Facebook se ishte një konflikt mes rreth njëzet emigrantëve nga Afganistani.
“Falë ndërhyrjes së shpejtë të NJP të Suboticës, situata është vënë nën kontroll, një numër i personave janë ndaluar, ndërsa të tjerët janë transferuar në Qendrën e pritjes në Suboticë”, tha Šoralov.
Qytetarët kanë raportuar në rrjetet sociale se në vendngjarje përveç policisë ka edhe mjete zjarrfikëse.
Kujtojmë se në muajin janar pati një të shtëna me armë zjarri mes dy grupeve të emigrantëve në Sombor, ku dy persona mbetën të plagosur.
Më herët në muajin korrik, në periferi të Suboticës, pati edhe një përleshje të armatosur mes dy grupeve të emigrantëve, ku një person mbeti i vrarë dhe shtatë u plagosën, mes tyre një vajzë. Ka pasur një konflikt mes kontrabandistëve.
