Kryetari i AAK-së, Ramush Haradinaj, tha se ai dhe partia e tij e pranon planin franko-gjerman derisa e ka porositur qeverinë të ngutet në arritjen e marrëveshjes mbi këtë plan.
Haradinaj në Kuvendin e Kosovës tha Asociacioni është i trashëguar dhe nuk është bërë nga Albin Kurti.
“Nuk besoj që duhet me nxënë në faj Albin Kurtin dhe Qeverinë për Asociacionin. Nuk e ka ba ky njeri, e kem trashëgua.
Nuk besoj që është në rregull kështu se nuk e ndihmojmë veten, nuk besoj pse duhet me iu drejtu, e kem trashëgimi e dimë që e kem”, tha Haradinaj.
I pari i AAK-së e akuzoi opozitën edhe për kërkesën e njohjes së ndërsjellë me Serbinë duke u thënë iu kërkuar të tregojnë se si arrihet njohja nga Serbia.
“Qysh e marrim njohjen a na tregoni, qysh e nxjerrim, të bëhemi sa më serioz në këto tema.
Aleatët tonë i kanë ndihmua Kosovës me ardhë deri te një marrëveshje, me diovorcu Kosovën prej Serbisë me qëllim që me kthy edhe njëherë Kosovën në agjendë të anëtarësimit në organizata ndërkombëtare, me e kthy juridiksionin në veri dhe me e kthy njohjen nga shtete tjera.
Nëse ne i themi Qeverisë tonë nuk ta pranojmë pa njohje reciproke, matuni mire çka po thoni, nuk i kemi thënë Hashim Thaçit më 2013, nuk i kemi thënë as tjerëve”, ka shtuar Haradinaj.
Ndërkohë, sa i përket menaxhimit të dialogut, Haradinaj ka thënë se munden me hy në kritika, siç ka thënë ai edhe sa i përket transparencës edhe pjesës tjetër.
“Për mua dhe AAK-në është i pranueshëm propozimi franko-gjerman, i kërkoj kësaj qeverie prano, mos u vono, ta kthejmë juridiksionin në veri, ti mbajmë zgjedhjet me 26 prill, se situatën e sigurisë në Ballkan nuk e kemi qyshe kemi pas”, tha Haradinaj.
