Ambasadori amerikan në Beograd, Christopher Hill, tha paraditen e sotme se vendet e rajonit të Ballkanit duhet të kenë modele bashkëpunimi, duke theksuar se projekti “Ballkani i Hapur” është shumë pozitiv.
“Më pëlqen që është zhvilluar këtu në Ballkan, nuk është imponuar nga jashtë”. Ne e mbështesim atë si dhe projektet tjera integruese rajonale”, tha Hill, për Radio Televizionin e Serbisë, duke folur me rastin e Asamblesë vjetore të mbrëmshme të Odës Ekonomike Amerikane.
I pyetur se cilat sfida të tjera mbeten me integrimin më të plotë ekonomik, ai deklaroi se “duket se ka sfida politike – probleme të trashëguara dhe mosbesim”.
“Unë do të thoja se këtu ka shumë trashëgimi historike, më shumë se e nevojshme, duhet të gjejmë një mënyrë për ta kapërcyer atë”, theksoi Hill.
