Ish kryeministri i Kosovës, Avdullah Hoti, ka vizituar Aleancën Kosovare të Bizneseve, ku është pritur nga kryetari, Agim Shahini, më bashkëpunëtorë, ku bashkëbiseduan për vështirësitë dhe sfidat me të cilat po përballen sot bizneset dhe prodhuesit e vendit.
Agim Shahini, kryetari i AKB-së, falënderoi ish kryeministrin për mbështetjen që vazhdimisht po i jep Aleancës Kosovare të Bizneseve dhe bizneseve vendore në të gjitha periudhat.
“Viti 2022 e përmbyllëm me një krizë të thellë ekonomike krahasuar me vitin 2021 dhe kjo krize është si pasoje e krizave globale, por edhe krizave të brendshme në mungesë të një strategjie të qeverisë së vendit për të zhvilluar ekonominë dhe për të luftuar varfërinë e cila është rritur. Ju falënderoj kryeministër për bashkëpunimin dhe komunikimin e vazhdueshëm që kemi pasur në të mirë të ekonomisë dhe zhvillimit ekonomik dhe ky bashkëpunim do të vazhdoj edhe në të ardhmen”, tha Shahini.
Avdullah Hoti, ish kryeministër, përgëzoi Shahinin me bashkëpunëtorë të AKB-së për punën që po bëjnë në të mirë për zhvillimin ekonomik.
“Vërtet si AKB në të gjitha periudhat kohore keni jep kontribut të veçantë për ekonominë dhe bizneset, mbi gjitha në mbështetjen dhe promovimin e produkteve vendore. Vlen të ceket projekti “Javët e Biznesit Kosovar”. Është projekt kapital, tashmë tradicional e nacional, jo vetëm i AKB-së, por i të gjithë neve, e që nga vitit 2004 e këndej e kom përcjell dhe mbështetur nga kënd vështrime të ndryshme dhe ndihem mirë që në periudha të caktuara isha pjesë organizimeve të përbashkëta”, tha Hoti.
Ai tha se, do të jemi çdo herë në mbështetje të prodhuesve dhe bizneseve vendore, në mënyrë që kapitali të mbetet tek ata që e krijojnë.
“Qëllimi im, si tani ashtu edhe në të ardhmen, ka me qenë në dobi të biznesit kombëtar”, tha Hoti.
AKB i është mirënjohëse për punën e përbashkët në gjitha periudhat kohore dhe i jep mirënjohje për nder 20 vjetorit dhe me rastin e shënimin të 15-vjetorit të Pavarësisë së Republikës së Kosovës, i ndaju mirënjohje, ish kryeministrit Avdullah Hoti. /Kosovatimes/
