Anëtari i LDK-së, Skender Hyseni, ka kritikuar mënyrën me të cilën po funksionon opozita në Kosovë, duke thënë se po përkrahin në mënyrë “naive” politikat anti-amerikane të kryeministrit Albin Kurti.
Ai ka thënë se dje LDK-ja ka bërë gabim të pafalshëm me votimin e Ligjit për Byronë dhe Konfiskimin e Pasurisë.
“Opozita po bënë gabime të rënda me përkrahjen naive për seanca të mbyllura në Kuvend për dialogun. Kurti mund të jet që edhe ka nevojë për t’u fshehur nga opinioni, por pse duhet opozita të bëhet pjesë e këtij teatri absurdi. Populli i Kosovës e ka të drjetën legjitme të informohet saktë dhe me kohë për dialogun. Terri infromativ dhe mostransparenca kanë një autor. Ai është Kurti. Opozita nuk guxon të marrë autorësi të kësaj çmendurie politike. Nëse opozita vazhdon të sillet kështu, ka mundësi të shtohet rreziku që Kosova të mbetet pa alternativë serioze politike”, shkroi ai ndër të tjera.
Sipas tij opozita po bie pre e “lojrave” të kryeministrit Kurti.
“Kurti dhe kompania e duan opozitën që t’u ndihmojë të ‘bëjnë zinxhirin nga zalli I detit’! Nuk i duheni ju opozita për asgjë tjetër Kurtit pos nëse edhe ju jeni nga ata që “bëjnë zinxhir nga zalli i detit”. Nese jeni të tillë e bajshit me shëndet!”, shkroi ai. /Kosovatimes/
