Sot janë bërë dy vite që kur Lëvizja Vetëvendosje fitoi zgjedhjet.
Për këtë ka shkruar lideri i kësaj partie, Albin Kurti.
Në një fotografi ku shihet bashkë me Glauk Konjufcën, Donika Gërvallës, Ftaon Pecin e Mimoza Kusari-Lilën.
Ai, ka shkruar se fitorja e madhe e shkurtit ishte ndryshe, sepse ishte vet ndryshimi.
Postimi i tij i plotë:
Bashkë sot, sikurse më 14 shkurt 2021, sikurse në secilën prej 730 ditëve që lamë pas. Bashkë përballë sfidave e detyrave që kemi përpara. Me përkushtim që nuk zbehet. Me përgjegjësi që rritet.
Fitorja e madhe e shkurtit ishte ndryshe, sepse ishte vet ndryshimi. Ishte fitore, sepse fitoi populli dhe demokracia. Ajo na rikujton më së miri vullnetin dhe pritjet e qytetarëve tanë, të cilëve do të ju shërbejmë çdo ditë me përpikmëri.
Bashkë deri në realizimin e plotë të zotimeve tona për punësim dhe drejtësi. /Kosovatimes/
