Hamza al-Khomsi, një udhëheqës i lartë i grupit terrorist Shteti Islamik, u vra të enjten në një sulm me helikopter në verilindje të Sirisë. Këtë e ka bërë të ditur shërbimi rus i “Zërit të Amerikës” duke iu referuar Komandës Qendrore të SHBA-së.
Gjatë operacionit u plagosën katër ushtarakë amerikanë dhe një qen shërbimi.
Zëdhënësi i Komandës Qendrore të SHBA-së, kolonel Joe Baccino tha se operacioni u krye në bashkëpunim me Forcat Demokratike Siriane, në të cilat forcat kurde luajnë një rol të madh. Civilët nuk u lënduan.
Joe Bacchino raportoi gjithashtu për një tjetër operacion që vrau një tjetër kryekomandant lufte të IS, i cili udhëhoqi një grup terrorist të specializuar në vrasjet politike. Detaje të tjera të bastisjeve të kryera nga ushtria amerikane nuk janë bërë ende të ditura.
