Zëdhënësja e Ministrisë së Punëve të Jashtme ruse, Maria Zakharova, konfirmoi sot se Rusia e mbështet plotësisht Serbinë në mbrojtjen e sovranitetit dhe integritetit të saj territorial dhe theksoi se bashkëpunimi ndërmjet Moskës dhe Beogradit është “strategjik”.
“Rusia mbështet Serbinë në mbrojtjen e sovranitetit, integritetit territorial dhe interesave shtetërore. Në këtë kontekst, Moska e mbështet Serbinë për çështjen e Kosovës, e cila duhet të zgjidhet në përputhje me të drejtën ndërkombëtare dhe vendimet e Këshillit të Sigurimit të OKB-së”, ka theksuar ajo.
“Ne vlerësojmë shumë marrëdhëniet jashtëzakonisht të mira me Serbinë dhe avokojmë që ky bashkëpunim të forcohet edhe më shumë, duke u mbështetur në parimin e respektit të ndërsjellë dhe duke marrë parasysh interesat e të dyja palëve”, shtoi Zakharova, transmeton RT.RS.
Bashkëpunimi ndërmjet Rusisë dhe Serbisë është strategjik dhe Moska dëshiron që ai të vazhdojë edhe në të ardhmen, tha Zakharova, duke theksuar se 23 shkurti shënon 185 vjetorin e vendosjes së marrëdhënieve diplomatike mes dy vendeve.
“Afërsia shpirtërore e dy popujve tanë ishte baza për zhvillimin e marrëdhënieve tona, të cilat i ndërtuam mbi mirëkuptimin dhe respektin reciprok. Bazuar në këto parime, ne ende jemi duke zhvilluar bashkëpunimin me Serbinë, të cilin e vlerësojmë si strategjikisht të rëndësishëm. “Çelja dhe diskutimet e rregullta për temat më të rëndësishme mes Moskës dhe Beogradit janë karakteristikat kryesore të bashkëpunimit tonë”, tha zëdhënësja.
Lidhjet tregtare dhe kulturore, si dhe bashkëpunimi në skenën ndërkombëtare, luajnë një rol të rëndësishëm, shtoi ajo.
