Një tërmet me magnitudë 6.8 goditi sot në një zonë të largët pak të populluar të Taxhikistanit pranë rajonit perëndimor kinez të Xinjiang.
Epiqendra ishte 67 kilometra në perëndim të Murgobit, në një thellësi prej 20 kilometrash, sipas Shërbimit Gjeologjik të SHBA (USGS).
Mugrob është kryeqyteti i rrethit me të njëjtin emër, ka disa mijëra banorë, ndodhet lart në malet e Pamirit.
Tërmeti është ndjerë fuqishëm edhe në Kinën fqinje në disa zona në prefekturën Kashgar dhe në prefekturën autonome të Kirgistanit Kisliu në Xinjiang, por nuk janë raportuar viktima apo dëme deri më tani, raportoi transmetuesi shtetëror kinez CCTV, duke cituar zyrtarë lokalë.
Qendra Kineze e Tërmeteve raportoi se tërmeti ishte me magnitudë 7.2 ballë dhe ishte në një thellësi prej 10 kilometrash. Matjet e fuqisë së tërmeteve nga agjenci të ndryshme shpesh ndryshojnë, sipas AP.
