Profesori i Fakultetit juridik dr. Vesel Latifi është pionier i kriminalistikës në Kosovë dhe një nga ekspertët më të njohur në rajon ka ndërruar jetë pas një sëmurje të shkurtër.
Ai është autor i 14 librave ku më i njohura është “Kriminalistika” e cila është botuar për të tetën herë dhe bashkautor i disa librave në fushën e kriminalistikës. Ka botuar mbi 60 punime shkencore e profesionale. Gjatë regjimit të Milosheviqit ai është përjashtuar nga Fakulteti Juridik më 1991 së bashku me profesorët e tjerë.
“Dhimbja për mikun e tillë është – dhimbje e përjetshme…”, shkruajnë disa nga kolegët e tij.
Nesër në Fakultetin Juridik do të mbahet një mbledhje komemorative ndërsa në orën 12 është paraparë varrimi në varrezat e qytetit. /Kosovatimes/
