Kreu i LDK Lumir Abdixhiku është impresionuar nga vizita në fabrikën më të madhe të prodhimit modular të shtëpive “Instabuilt” që ka moto: “E ardhmja e jetesës”.
“Me 200 punëtorë, në një hapësirë impresive fabrikash prej 40 mijë metra katrorë, ‘Instabuilt’ është krenari kombëtare e Kosovës. Mentori, biznesi i tij, sot është eksportues i mijëra shtëpive modulare që çdo vit zënë vend në ShBA e në Evropë. Shtëpitë e vetëqëndrueshme, të pastra e me kujdes ndaj ambientit, prodhohen në Kosovë dhe në module eksportohen në tregjet e largëta botërore – si shenjë e një pune burimore e vendit tonë”, shkruan Abdixhiku.
Ai tha se raste të tilla suksesi, të mbushin përplot me energji.
“E tillë ishte vizita e sotme në ‘Instabuilt’ dhe Qendrën e re të Inovacionit të hapur disa ditë më parë”. /Kosovatimes/
