Miliarderi amerikan Thomas H Lee (78) u gjet i vdekur dje në zyrën e tij në Nju Jork, konfirmoi policia për BBC . Sipas Forbes, Lee kishte një pasuri prej 2 miliardë dollarësh në kohën e vdekjes së tij. Familja e miliarderit tha në një deklaratë se ata ishin “jashtëzakonisht të pikëlluar” nga vdekja e tij.
Lee thuhet se vdiq nga një plagë e vetëshkaktuar me armë zjarri në zyrën e tij në Manhattan, raporton New York Post. Mirëpo, zëdhënësi i policisë nuk ka konfirmuar se njeriu ka ndërruar jetë si pasojë e një plagë të vetëshkaktuar me armë zjarri, duke theksuar se shkaku i vdekjes do të përcaktohet nga mjekësia.Policia thotë se ka marrë një telefonatë nga zyra në Fifth Avenue dje rreth orës 11:00. “Me të mbërritur, EMS shpalli të vdekurin në vendngjarje”, shtuan ata. Përveç blerjeve pioniere me leverage, Lee ishte gjithashtu i njohur për blerjen e kompanisë së pijeve Snapple në 1992 dhe ia shiti atë dy vjet më vonë Quaker Oats për 1.7 miliardë dollarë, 32 herë më shumë se çmimi i blerjes./Kosovatimes/
