Qeveria izraelite dha miratimin fillestar sot për një projektligj që do të lejonte gjykatat të vendosin dënimin me vdekje për sulmet terroriste që përfshijnë shtetas izraelitë.Miratimi u dha pavarësisht kundërshtimit të pritshëm nga Prokurori i Përgjithshëm dhe një përpjekjeje të supozuar të partisë Likud të kryeministrit Benjamin Netanyahu për ta vonuar atë , raporton The Times of Israel.Komiteti Ministror për Legjislacionin ka miratuar vënien në votim të projektligjit, i cili ka kohë që përkrahet nga partia ekstremiste Ocma Yehudit e ministrit të Sigurisë Kombëtare Itamar Ben Gvir.
Projektligji do të ketë së shpejti një lexim paraprak në plenumin e Knesset-it dhe më pas do të diskutohet nga kabineti i sigurisë, i cili besohet se do të kërkojë që të bëhen disa ndryshime në tekstin e draftit.
Në një deklaratë të përbashkët nga Netanyahu dhe Ben Gvir, thuhet se teksti i projektligjit të dorëzuar sot parashikon se “gjykatat mund të vendosin dënimin me vdekje për ata që kanë kryer vrasje me motive nacionaliste ndaj qytetarëve izraelitë” , raporton The Times of Israel.
