Deputeti në Kuvendin e Serbisë, Shaip Kamberi, ka bërë të ditur se një delegacion i shqiptarëve nga Bujanoci, Medvegja dhe Presheva do të vizitojnë sot Uashingtonin, ku do të flasin para Senatit amerikan për gjendjen dhe pozitën e shqiptarëve.
Kamberi përmes një postimi në Facebook ka thënë se shqiptarët e tri komunave në jug të Serbisë qendrore kanë nënshkruar tre marrëveshje me qeveritë në Beograd me ndërmjetësimin e një faktori ndërkombëtar pas konfliktit në Kosovë dhe Metohi dhe ka akuzuar Beogradin për mospërmbushje të obligimeve.
“Në vend që të zgjidhin problemet e realizimit të kërkesave tona legjitime, faktorë të ndryshëm lokalë, prej vitesh po përpiqen të bllokojnë bashkërendimin tonë të përbashkët, çdo iniciativë të shëndetshme dhe çdo përpjekje. Prandaj sot më shumë se kurrë na duhet koordinimi i brendshëm dhe bashkëpunimi i ngushtë me Prishtinën, si dhe harmonizimi i politikës sonë me miqtë tanë ndërkombëtarë dhe sensibilizimi për çështjen e shqiptarëve nga “Lugina e Preshevës”, ka shkruar Kamberi.
