Me kërkesë të LDK-së, kryeministri i Kosovës Albin Kurti do të raportojë sot në Kuvendin e Kosovës në lidhje me marrëveshjen e 27 shkurtit në Bruksel.
Seanca e raportimit të Kurtit do të nisë në orën 13:00.
Fillimisht LDK-ja ka kërkuar mocion që në pikën e parë të rendit të ditës në seancën e sotme të Kuvendit të jetë raportimi i kryeministrit Albin Kurti. Ky mocion është votuar nga shumica e deputetëve të pranishëm në seancë.
“Si pikë e parë e rendit të ditës, të ndodhë raportimi i kryeministrit të Kosovës pas procesit dialogues komform rezolutave parapara të nxjerra nga ky Kuvend, konform nevojës së kohës për informim të Kuvendit të Kosovës”, thuhet në mocionin e prezantuar nga deputeti i LDK-së, Lumir Abdixhiku. /Kosovatimes/
