Kreu i Wagner, Yevgeny Prigozhin, tha se aktualisht nuk ka shtetas serbë në mesin e luftëtarëve të atij grupi ushtarak privat në Ukrainë dhe se i fundit u largua nga grupi dy muaj më parë.
Komentet e tij vijnë pasi presidenti serb Aleksandar Vuçiç akuzoi Wagnerin se po përpiqet të rekrutojë serbët për të luftuar në Ukrainë.
“Vuçiq po vrapon pa arsye. Nuk ka serb në Wagner”, tha Prigozhin në një koment të publikuar në kanalin e tij publik Telegram, siç raporton Index.hr .
“I fundit që luftoi në Wagner u largua nga zona dy muaj më parë. Nëse ndonjë serb pretendon se ka luftuar në Wagner në vitin 2023, ai gënjen. Mos i beso atij”.
Këto komente vijnë pasi Politico publikoi një artikull në të cilin Vuçiç komentonte se serbët e rekrutuar për të luftuar në Ukrainë “do të arrestohen kur të kthehen në Serbi”.
