Në 1495, anija u mbyt në Detin Baltik, në brigjet e qytetit suedez Ronebi. Besohet se është fundosur pasi një zjarr shpërtheu në të ndërsa mbreti po shkonte për një takim politik në Suedi.
Zhytësit sportivë e gjetën rrënojat në vitet 1960, dhe vitet e fundit ajo është eksploruar në mënyrë sporadike. Gjatë hulumtimeve të mëparshme, u gjetën objekte të mëdha, si skulptura druri, për të cilat ekuipazhi besonte se i mbronin nga aksidenti.
Hulumtimi, i udhëhequr nga arkeologu Brendan Foley nga Universiteti Lund i Suedisë, gjeti melmesa që ishin nën baltë.
“Baltiku është i çuditshëm – ka një nivel të ulët oksigjeni, temperaturë të ulët, kripësi të ulët, kështu që shumë gjëra organike ruhen mirë, gjë që nuk do të ishte rasti në asnjë oqean tjetër të botës. Megjithatë, gjetja e mëlmesave si kjo është mjaft e pazakontë. ”, tha Foley.
Mëlmesat ishin një simbol i statusit të lartë, pasi vetëm të pasurit mund të përballonin shafranin ose karafilin, të cilat importoheshin nga jashtë Evropës. Studiuesi i Universitetit të Lundit, Mikael Larson, theksoi se ky është një zbulim unik arkeologjik, transmeton Reuters.
