Një gjykatë federale në Nju Jork lëshoi të mërkurën një urdhër sekuestrimi për një avion Boeing 737 në pronësi të Rosneft, tha Departamenti i Drejtësisë i SHBA.
Gjykata u shpreh se kishte arsye të mjaftueshme për të akuzuar Rosneft për shkelje të regjimit të sanksioneve të vendosura nga Shtetet e Bashkuara pas pushtimit rus të Ukrainës. Avioni, i vlerësuar në 25 milionë dollarë, është larguar dhe është kthyer në Rusi të paktën shtatë herë që nga vendosja e sanksioneve, duke shkelur ndalimin e avionëve të prodhuar nga Shtetet e Bashkuara që fluturojnë drejt Rusisë pa licenca speciale të miratuara nga SHBA. “Duke shkelur kontrollet e eksportit, Rosneft e ka kthyer avionin e saj në një artikull kontrabandë”, tha Andrew Adams, zëdhënës i Departamentit të Drejtësisë së SHBA-së.
“Veprimet e sotme të zbatimit të ligjit demonstrojnë se kompanitë dhe oligarkët rusë do të duhet të paguajnë për shkeljen flagrante të sanksioneve të vendosura nga Shtetet e Bashkuara kundër Rusisë për luftën e saj të padrejtë kundër popullit të Ukrainës”, tha në një deklaratë prokurori federal i Bruklinit, Brion Peace.
Hera e fundit që një Rosneft Boeing fluturoi në Shtetet e Bashkuara ishte në vitin 2014. Tani ai mund të ndalohet në shumë vende me kërkesë të Shteteve të Bashkuara./Kosovatimes/
