Në Izrael mbahen tubime kundër reformës në drejtësi. Gjysmë milion njerëz i janë bashkuar tashmë demonstratave (me një popullsi prej rreth 8 milion në të gjithë vendin). Kjo është protesta më e madhe në historinë e Izraelit.
Protestat masive kundër reformës në drejtësi të propozuar nga qeveria e Benjamin Netanyahut po vazhdojnë prej 10 javësh. Reforma supozon se shumica parlamentare do të përcaktojë në fakt zgjedhjen e gjyqtarëve të Gjykatës së Lartë dhe vetë gjykata do të humbasë aftësinë për të rrëzuar vendimet e qeverisë. Sipas protestuesve, kjo do të thotë humbje e pavarësisë së gjykatave.
Kryeministri izraelit Benjamin Netanyahu, i cili u zgjodh në dhjetor të vitit të kaluar, beson se qëllimi i protestuesve është largimi i tij nga pushteti. Disa nga demonstruesit me të vërtetë po bëjnë presion për dorëheqjen e Netanyahut. Ai mori postin e kryeministrit për të gjashtën herë në karrierën e tij politike. Për momentin ndaj Netanyahut janë nisur tre çështje penale të korrupsionit, por ai vetë e mohon fajësinë.
Vetë Netanyahu beson se reforma në drejtësi do të balancojë degët e qeverisë. Opozita izraelite, përfshirë ish-kryeministrin Yair Lapid, kerkon ose heqjen e plotë të projektligjit, ose pranimin e përfaqësuesve të palës protestuese për ta finalizuar atë. /Kosovatimes/
