Drita ka fituar derbin e Anamoravës përballë Gjilanit me rezultat minimal 1-0.
Ka qenë një ndeshje spektakolare me shumë raste të mira shënimi nga të dyja skuadrat.
Albert Dabiqaj kishte rastin më të mirë për Gjilanin, por goditja e tij shkoi jashtë portës.
Por ishin vendasit që realizuan të parët, kur në minutën e 43-të gjetën golin e epërsisë me realizator Blend Baftiu pas një asistimi fantastik nga Besnik Krasniqi.
Me epërsinë minimale të Dritës u mbyllen 45 minutat e para të kësaj sfide.
Edhe pjesa e dytë ishte spektakolare me raste të shumta shënimi si nga vendasit ashtu edhe nga mysafirët.
Ardit Tahiri, Besnik Krasniqi e Almir Ajzeraj patën raste për vendasit, derisa Mevlan Zeka e Albert Dabiqaj për mysafirët, por pa sukses.
Kësisoj Drita arriti ta mbrojë epërsinë deri në fund dhe ta fitoj derbin e dytë këtë edicion, nga tre ndeshje.
Me këtë fitore Drita ngritët në pozitën e parë në tabelë me 51 pikë, në anën tjetër Gjilani mbetet e treta me 39 sosh.
Javën e ardhshme Drita luan në udhëtim te Malisheva, derisa Gjilani do të luaj para adhuruesve të vet me Llapin.
