Kreu i Aleanca për Ardhmërinë e Kosovës, Ramush Haradinaj, ka pritur në një takim Ambasadorin amerikan në Kosovë, Jeffrey Hovenier, me të cilin diskutuan për zhvillimet e fundit në vend.
E falënderova personalisht Ambasadorin Hovenier për angazhimin e tij dhe të ShBA-ve në mbështetje të Kosovës. “Njëkohësisht prezantova qëndrimin e Aleancës në mbështetje të marrëveshjes Kosovë-Serbi, duke theksuar se kjo marrëveshje i jep njohjen ndërkombëtare Kosovës, rrugëtimin e sigurt drejt integrimit në NATO dhe forcimin e subjektivitetit ndërkombëtar.
Partneriteti i vendit tonë me ShBA-të është afatgjatë, strategjik dhe i përjetshëm”, tha Haradiunaj. /Kosovatimes/
