Me kërkesë të donatorit tonë të pajisjeve ndihmëse, The Church of Jesus Christ of Latter-day Saints – LDS nga ShBA, sot kemi nisur për në Turqi 150 karroca, me qëllim të lehtësimit të nevojave për të prekurit e tërmetit të rëndë që ndodhi javë më parë.
Llojet e karrocave të destinuara atje janë të përshtatshme për raste të ndryshme, ndërkohë që edhe në vendin tonë janë në kërkesë e në nevojë të madhe.
Transportimi i tyre u mundësua me përkrahjen e Ambasadës së Turqisë në Kosovë.
HANDIKOS, bazuar në donacione, do të vazhdojë gatishmërinë për mbështetje me pajisje ndihmëse për çdokënd që ka nevojë, për çka së shpejti presim pranimin e një kontingjenti të ri në qendrën tonë. /Kosovatimes/
