Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, përshëndeti sot vendimin e vendeve kandidate për anëtarësim në BE, përfshirë Bosnjën dhe Hercegovinën, për të harmonizuar politikën e tyre me vendimin e Këshillit të BE-së në lidhje me situatën në Bjellorusi dhe rolin e atij vendi në agresionin kundër Ukrainës.
Deklarata kujton se më 24 shkurt, Këshilli miratoi një vendim për sanksionet, i cili plotëson vendimin e mëparshëm dhe zgjat “masat kufizuese ndaj Bjellorusisë edhe për një vit” dhe vendimin në lidhje me masat ndaj individëve.
“Këtij vendimi të Këshillit i bashkohen edhe vendet kandidate Maqedonia e Veriut, Mali i Zi, Shqipëria, Ukraina dhe Bosnja e Hercegovina, si dhe vendet e EFTA-s, Islanda, Lihtenshtajni dhe Norvegjia, anëtare të Zonës Ekonomike Evropiane. Ata do të sigurojnë që politikat e tyre kombëtare të jenë në përputhje me këtë vendim të Këshillit”, thuhet në deklaratë.Gjithashtu u theksua se Bashkimi Evropian e merr parasysh këtë detyrim dhe e mirëpret atë.
Nga kandidatët për anëtarësim në BE nga rajoni, Serbia nuk përmendet në njoftim .
Kujtojmë se sot Parlamenti Evropian miratoi një rezolutë, e cila kërkon nga institucionet e Brukselit të vendosin të njëjtat sanksione ndaj Bjellorusisë që u vendosën ndaj Rusisë.
