Në ShMU “Tefik Çanga” në Ferizaj u zhvilluan ndeshjet e javës së dytë në ligat U15 dhe U19 për meshkuj dhe femra, respektivisht u zhvilluan xhirot 3 dhe 4.
Në të gjitha ligat kishte ndeshje të forta përderisa tek femrat në U15 favoritët fituan me rezultat të thellë, në ligën U15 A dhe B të meshkujve ndeshjet ishin shumë të ngushta. Në U15A meshkujt –Lidhja e Prizrenit fitoj derbin me rezultat të ngushtë 3:2 ndaj Shkolla Prizreni, e në ligën U15B derbi ndërmjet Vushtrrisë dhe Ahmet Hoxha MK u takoi të rinjve nga Vushtrria që befasuan favoritin e kësaj lige me rezultat të ngushtë 3:2.
Ndeshje e fortë ishte edhe ndeshja në ligën U19 F në ndeshjen ndërmjet Pejës dhe Lidhjes së Prizrenit, e cila po ashtu u mbyll me rezultat të ngushtë 3:2 në të mirë të vajzave nga Prizreni.
Në ligën U19 M ndeshje e mirë ishte ajo ndërmjet Gani Maloku vs Lidhja e Prizrenit e cili i takoi favoritit me 1:3
Në xhirot e javës së 3 do të përcaktohen kampionet e secilës ligë, pritet të ketë shumë ndeshje të forta në të gjitha ligat e të rinjve.
Aktivitetet e ardhshme
Nesër janë paraparë të zhvillohen ndeshjet e ligës së parë për meshkuj dhe femra si dhe ndeshjet e ligës së dytë. Ndeshjet janë paraparë të organizohen në 3 qendra: Ferizaj, Pejë dhe Prishtinë. /Kosovatimes/
