SSB, e cila njihet edhe me akronimin turk TUSAS, po udhëheq zhvillimin e këtij avioni si pjesë e projektit të Avionëve Luftarak Kombëtar, i njohur zyrtarisht si Milli Muharip Ucak (MMU).
Prototipi i parë i avionit luftarak vendas të gjeneratës së re të Turqisë, TF-X, ka përfunduar një seri të ashtuquajturave teste taksi përpara zbulimit të tij zyrtar, i cili pritet të bëhet të shtunën. Temel Kotil , CEO i prodhuesit të avionëve Turkish Aerospace Industries, tha në janar se TF-X mund të bëjë fluturimin e tij të parë këtë vit.
Agjencia shtetërore e Turqisë për Industrinë e Mbrojtjes, Savunma Sanayii Başkanlığı (SSB) , ka publikuar një seri fotosh të një prototipi të plotë, ose të paktën pothuajse të plotë, TF-X në një pistë në një vend të paspecifikuar. Portali War Zone shkruan se fotot me siguri janë marrë nga objekti i Industrisë Ajrore Turke në Ankara, ku mësohet se do të bëhet ndërtimi i avionit TF-X. SSB, e cila njihet edhe me akronimin turk TUSAS , po udhëheq zhvillimin e këtij avioni si pjesë e projektit të Avionëve Luftarak Kombëtar, i njohur zyrtarisht si Milli Muharip Ucak (MMU).
– Thamë që do të nxjerrim nga hangar avionin tonë kombëtar luftarak më 18 mars. Avioni ynë është në pistë sot! Le të shpresojmë që nën udhëheqjen e Rexhep Tajip Erdogan të jemi dëshmitarë të fluturimit të tij në qiellin turk , shkruan në një postim në Twitter , kreu aktual i SSB-së, Ismail Demir .
