Shkruan: Pal ShTUFI
Kryeministri bëri mirë që u kthye përfundimisht në udhët e jetës në tokë. Bëri mirë që i pranoi të gjitha marrëveshjet e më hershme. Nuk e di arsyen e vërtetë pse ra n’brazë, por e di që gjithçka që bëri deri dje, ajo i bë mirë vendit tonë. Opozita duhet ta aplaudojë veprën e kryeministrit, edhe pse të njëjtën paraardhësit e tij e kanë arritur që më 2013. Por “dhjetë vjet të humbura për kauza të rrejshme, janë shumë më të dëmshme se të gjitha hajnitë e të gjitha qeverive të deritanishme. Dëmet që i ka shkaktuar ky njeri për të ardhur në pushtet dhe në atë pushtet me i zbatu të gjitha proceset e Hashim Thaçit dhe Isa Mustafës, nuk falen.
Po të isha anëtar i LVV, kurrë nuk do t’ia falja tonelatat e rrenave që i ka bërë ky kryeministër. Kurrë. Historia jonë nuk njeh mashtrim më të madh dhe më të dëmshëm për vendin se kjo histori rrenash, nga 2013 e deri me 2023.
OPOZITA TEK TANI DUHET TË DËSHMOHET
Siç e dimë, opozita ishte nxituar me disa veprime të parakohshme…
Sepse, tek tani ka ardhur koha që ky kryeministër të largohet nga pushteti, natyrisht, duke përdorur të gjitha mjetet demokratike.
Ai që mashtron kaq shumë, vetëm për të ardhur në pushtet, ai mashtron edhe më shumë gjatë ushtrimit të pushtetit.
Me të gjitha metodat duhet provuar që KM të detyrohet të dorëhiqet. Nëse nuk pranon, duhet të zbatohen trajta tjera, të cilat do ta detyrojnë që ky njeri të largohet, një sahat e ma para nga pushteti.
MASHTRIMI ISHTE I PARAMENDUAR
Duke i njohur mirë aftësitë e tij, personalisht mendoj që Albin Kurti, mashtrimin dhe gënjeshtrën i ka bërë qëllimshëm dhe me vetëdije të lartë. Së këndejmi, si i tillë është shumë i rrezikshëm sepse Albini mjeshtrisht kombinon mashtrimin e gënjeshtrën me një demagogji dhe retotikë të shkathët, duke u kapur për tema tepër sensitive për masat. Në fakt, po t’i besoja gënjeshtrat e Albinit, edhe unë do ta votoja, sepse premtimet e tij preknin dëshirat e secilit, pra edhe të miat.
EDHE NJË
Shtojeni edhe një fakt. Sa të jetë në pushtet ky njeri, Amerikën do ta kemi të huaj. Me ose pa të drejtë, këtë kryeministër Amerika e konsideron asgjëmangut se Hugo Chavezin dikur.
Dorëheqja e ndihmon kryeministrin dhe shpëton vendin.
